ARIKETA FISIKOAK BIRIKEN FUNTZIOA MANTENTZEN LAGUNTZEN DIZU
EGUNERO JARDUNEN BATEAN ARI ZAITEZ
Fibrosi kistikoa dutenentzat, ariketa fisikoak, epe luzera, organo garrantzitsuetan, hala nola biriketan, bihotzean eta abarretan, egokitzapenak eta aldaketak ekartzen ditu, indartzen baititu eta egoera hobean atxikitzen.
Ariketa fisikorik gabe ezin dira emaitza onenak lortu eta ehun guztiak egoera okerragoan izango dira.
ARIKETA FISIKO ORO HASI AURRETIK FIBROSI KISTIKOA DUTENENTZAT EGOKI DEN ETA NORBANAKO BAKOITZARI EGOKITURIKO PLANA EGIN BEHAR DA
Fiki bakoitza berezia da eta behar bereziak ditu, adinaren, egoeraren, biriken funtzioaren eta abarren arabera.
Fisioterapeutarekin aritu behar dugu elkarlanean eta berak, gure neumologoarekin ikusirik, prestatuko digu ariketen plan hori, lehen aipatu adinaren, biriken funtzioaren eta egoera fisiko orokorraren parametroen arabera
Iraunkor izan daitekeen plana behar da izan, egunero egiteko modukoa, gure lan edo ikasketa ordutegiei egokitua.
Pertsona helduek beren medikuarekin ikusi behar dute ariketa programa bati ekin baino lehen Esfortzu proba eta bestelako probak, hala nola elektrokardiograma eta ekokardiograma egin beharko lirateke neurrizko ariketa fisiko zeinahiri ekin aurretik, fibrosi kistikoa ez den beste arriskurik ez dela ziurtatzeko eta, hala, plan zehatzagoa prestatu ahal izateko.
Ariketa eta osasun mailen araberako probak komeni dira
Elkartean badugu Etxerako fisioterapia zerbitzua (FK Euskadi elkarteak eskaintzen dituen zerbitzuetako bat) eta zerbitzu horrek plan hori prestatzen laguntzen digu, arnas errehabilitazioa egiteaz gain, nor bakoitzari erabat egokituriko ariketa fisikoa markatzen baitigute.
Gure medikuarekin elkarlanean arituko den fisioarekin lan eginez gero, arrakasta aukera handiagoak ditugu.
HELBURU BAT FINKATZEA
Helburua pertsona bakoitzaren araberakoa da, baina garrantzi handikoa da helburua finkatzea eta egunero, fisioterapeutak ezarri digun erritmoaren arabera aurreratzen joatea.
Helburu hori aurretik finkaturiko entrenatze plana egiteko motibazio gehigarria da.
- Motibazio eta helburu hori erdiesteko, gustuko dituzun jardunak hauta itzazu
- Jarduna errazago egiten da adiskideekin, bikotekidearekin eta abarrekin.
Hasteko, bi astez, astean bost egunez, 10 minutuko bi ibilaldi egin daitezke.
Gero, 10 minutuko hiru ibilaldi, astean bost egunez, hurrengo bi asteetan.
Azkenik, 30 minutuko ibilaldia, 3 egun astean, gehi 10 minutuko trostaldia, astean behin, hurrengo bi asteetan, eta abar eta abar.
Jarduera neurriz egin behar da, bihotz eta arnas erritmoak lastertzen diren eta izerdi zerbait agertzen den bitartean solasean aritu ahal izateko moduan.
Funtsezkoa da taupadak eta oxigeno asetasuna kontrolatzea, helburuari eta eriari berari kalte egin diezaieketen akitze arazoak sortuko ez badira.
oxigeno asetasuna kontrolatzea, helburuari eta eriari berari kalte egin diezaieketen akitze arazoak sortuko ez badira.
Funtsezkoa da taupadak eta
pultsuoximetroa izatea kirol ahaleginean zenbaterainoko asetasuna dugun jakiteko.
JARRAIPENA
Jarraipena funtsezkoa da pertsonak nolako bilakaera duen ikusteko, nola sentitzen den, jardueran ongi ari ote den ikusteko (Jarrera, iraupena, gihar tonua etab.) eta, horren arabera, plana fase apalago edo gorago batera eraman behar den erabaki ahal izateko.
Kalorien kontrola, elikadura onaren bidez, ongi hidratatzea beti, baina bereziki jardunean aritzean, eta noizean behin kontrol orokorra egitea, batez ere diabetes edo bihotz arazoak bezalako patologiak dituztenen kasuan, bizitza kalitatea hobetzeko on dira.
IGERIKETA FK DUTEN ERIENTZAT EGOKIEN DIREN KIROL OSOENETAKO BAT DA (BULAR IGERIKETA GOMENDATZEN DA)
GOGOAN HAR EZAZU: KIROLA BAI, ZEINAHI ADINETAN, BAINA ESPEZIALISTEN KONTROLPEAN ETA ZURE EGOERA OROKORRAREN ETA ZURE BIRIKEN FUNTZIONAMENDUAREN ARABERA.
Hau berri libre dago: Español
